حاققین اوْجاغی سؤنمه‌یه‌جک کوْر گؤزۆنۆ سیل!
یۆکسکده اسن سانجاغی هئچ انمه‌یه‌جک بیل!
هر داملا قانیندان بیته‌جک کؤکلۆ آغاجی
کسسن ده چیخارتسان دا، حاقی سؤیله یه‌جک دیل
سانما کسه‌جکسن ییخاجاقسان حاق آغاجین
قوْرخ! گون گله‌جک آتلی قارینجا یئنه‌جک فیل
وارسا بیر ایلان تک زَهَرین بیلمه‌لیسن سن!
گۇر آغین ایلان! ارلریمی ائتمه‌یه‌جک شیل
اؤلسه بیری، مین ار چیخاجاق قارشینا بیر ده
بۇ ظۆلمه اینان کی بیلیرم دؤزمه‌یه‌جک ائل
یوْخدۇر اؤلۆم آزاده‌لره قان بۇنۇ قانماز!
سینسا بۇ دؤنه بند، سیزه رحم ائتمه‌یه‌جک سئل
بۇ شعری عبدالرحیم هئییت و باشقا ظۆلمه قارشی باش اگمه ییب و آرمانلاری یوْلۇندا جاندان کئچه‌ن ایگیتلره سۇنۇرام.
دهقانی(باریش)
درباره این سایت